User:物灵/冚唪唥粤文通希选译/我靓唔靓

我靓唔靓？（ ?）, 作者：叶俊延, 插图：爽 出版： 冚唪唥粤文 (© HamBaangLaang, 2022), 由冚唪唥粤文喺「共享创意4.0」条款授权下发布。

朝早，太阳出嚟，热醒咗虫仔。虫仔醒咗之后，望住镜入面嘅自己，青 BB、黄色一点々，就觉得自己唔靓。
,     .     '       ,     !.

「我一啲都唔靓，冇动物会钟意我。」虫仔唔开心，于是去问其他动物佢靓唔靓。
“  !.     .”  !,  '     .

虫仔见到狗哥々。「狗哥々，我靓唔靓啊？」狗哥々好高、好大只，好多动物都钟意佢，佢都好钟意其他动物。

「靓啊！我觉得只々动物都好靓。」虫仔听到狗哥々噉讲，有少々开心，然后走咗。

虫仔见到猫姐々。「猫姐々，我靓唔靓啊？」猫姐々冇答虫仔；佢系听唔到虫仔，定系唔睬虫仔呢？虫仔望住猫姐々，佢啲毛白雪々，虫仔觉得好靓。

等咗一阵，猫姐々答：「我最靓。」然后猫姐々就走咗。

虫仔又见到牛伯々。「牛伯々，我靓唔靓啊？」牛伯々笑住讲：「傻仔。如果你觉得自己靓，噉你就靓㗎喇。」虫仔唔明牛伯々讲紧咩。「噉我靓唔靓啊？」「靓。」虫仔好开心，然后返咗屋企。「靓。你大个咗之后，一定好靓。」

原来，虫仔嘅爸々妈々系蝴蝶啊。